تعال افحص جهازك السوني وانته دتقرة الموضوع

هذا كود تكتبة باي تلفون سوني ايركسون وتطلعلك قائمة
من عدها تكدر تفحص كلشي بجهازك يشتغل او ميشتغل
اول شي تكون بالشاشة الرئيسية مال تلفون
دوس اتجاه يمنة مرة وحدة (اي شي يطلعلك معليك بيه كمل الكود)
وراها نجمة
وراها دوس اتجاه يسرة مرتين
وراها نجمة
وراها اتجاه يسرة مرة وحدة
وراها نجمة


هسة المفروض تطلعلك قائمة اختار من عدها
service tests
حتطلعلك قائمة بكلشي موجود بجهازك
وتبدي تختار كل فقرة وهو الجهاز يفحصها
واذا اكو شي بالجهاز ميشتغل منا تكدر تعرف
والشغلة المفيدة بوحدة من الفقرات
انه تكدر تعرف جهازك كم ساعة مشتغل من اشتريتة لحد هسة
يعني من تريد تشتري جهاز سوني ايركسون مستعمل تكدر تسوي
هذا الكود وتفحص التلفون وتعرف الجهاز زين او لا وكم ساعة مشتغل



اتمنى الموضوع يفيدكم وتستفادون منة
تحياتي

بسمه تعالى
الموضوع جيد
جزاك الله خيرا :idea:

العفو حبي مرتضى
مشكوووور على مرورك

مشكووووووووووووور خوية الورد